Çərşənbə axşamı, Dekabr 6, 2022
Ev Blog

Azərbaycan Retinoloqlarının VII konfransı keçirilib

0

3 dekabr 2022-ci il tarixində Lənkəran şəhərində Azərbaycan Oftalmoloqlar Cəmiyyətinin və Akademik Zərifə Əliyeva adına Milli Oftalmologiya Mərkəzinin birgə təşəbbüsü ilə Azərbaycan Retinoloqlarının VII konfransı keçirilib.

Siyasi.az xəbər verir ki, Azərbaycan Oftalmoloqlar Cəmiyyətindən “Yeni Gundem”-ə verilən xəbərə görə, konfransda Bakıdan və bir çox regionlardan mütəxəssis və alimlər iştirak ediblər.

Tədbirin keçirilməsində məqsəd oftalmologiyada baş verən yenilikləri, aktual məsələri müzakirə edərək Azərbaycan oftalmologiyasının, həmçinin region həkimlərinin inkişafına dəstək olmaqdan ibarət olub.

Konfrans təşkilat komitəsinin sədri t.ü.f.d. Müşfiq Kərimovdur. Heyət üzvləri t.ü.f.d. Lalə Axundova, t.ü.f.d. Aişə Şahmalıyeva, t.ü.f.d. Xalid Əliyev, dr. Ceyhun Nəzərli, t.ü.f.d. Yazgül Abdiyeva olub.

Tədbirdə”Fundus avtoflüoresansın mərkəzi seroz xoriopatiyanın diaqnostikasında əhəmiyyəti”, “Vitreoretinal cərrahiyyədə vizualizasiya sistemləri”, “Yaşa bağlı makula degenerasiyanın quru formasının progressivləşməsinin OKT əlamətləri”, “Brolicizumab preparatının göstərişləri”, “Yaşa bağlı makula degenerasiyanın quru formasının müasir müalicəsi”, “Cərrahi vizualizasiya sistemləri” və s.mövzularda məruzələr dinlənilib,müzakirələr aparılıb.

Həmçininmütəxəssislər tərəfindən öz təcrübələrində keçirilmiş maraqlı kliniki hallar, cəmiyyətin onlara qazandırdığı biliklər barədə danışılıb.

Sonda sual və təkliflər səsləndirilib.

Siyasi.az

 

“Poliqon” Strateji İntellekt Oyunu üzrə Zəfər Kubokunun seçim turlarına yekun vuruldu

0

“Poliqon” Strateji İntellekt Oyunu üzrə Zəfər Kubokunun seçim turlarına yekun vuruldu.

Azərbaycan Respublikasının Gənclər və İdman Nazirliyi‘nin dəstəyi ilə Region Gənclərinin İnkişafına Töhfə İctimai Birliyi tərəfindən Zərdab rayonunda keçirilən “Poliqon SİO” üzrə Zəfər Kubokunun 4 seçim turunda ümumilikdə rayonun 22 şəhər və kənd məktəbini təmsil edən komandalar iştirak etdi.

Siyasi.az xəbər verir ki,seçim turlarında ən çox bal toplayan 6 komanda, şəhər 1 saylı məktəb liseyin Qartal -1 komandası (625 bal), Yarməmmədbağı kənd tam orta məktəbin Viktoriya-1 komandası (520 bal), Hüseynxanlı kənd tam orta məktəbin Qartal-2 komandası (515 bal), Bıçaqçı kənd tam ora məktəbin Viktoriya-2 komandası (490 bal), Körpükənd tam orta məktəbin Xarıbülbül komandası (415 bal) və Qoruqbağı kənd tam orta məktəbin Şuşa komandası (375 bal) final turuna vəsiqə qazandılar.

“Poliqon” Strateji İntellekt oyunu üzrə Zəfər Kubokunun final oyunu seçim turlarında qalib olmuş 6 komandanın iştirakı ilə 08 dekabr 2022-ci il tarixində Zərdab Gənclər Evində keçiriləcək.

Layihənin keçirilməsində məqsəd gənclərin hərbi-vətənpərvərlik tərbiyəsinin yüksəldilməsi, tariximizi və milli-mənəvi dəyərlərimizin gənclər arasında təbliğ olunması, həmçinin rayonumuzun şəhər və kənd məktəbləri arasında intellektual klubların əlaqələrinin möhkəmləndirilməsi, məktəblilərin intellektual yarışlara cəlb olunmasıdır.

Finala vəsiqə qazanmış bütün komandalara uğurlar arzu edirik.

Siyasi.az

Tələbələrin məşğulluğuna dəstək kampaniyası başa çatıb

0

Azərbaycan Respublikasının Gənclər və İdman Nazirliyinin dəstəyi ilə Azərbaycan Tələbələri İctimai Birliyi tərəfindən həyata keçirilən “Tələbələrin məşğulluğuna dəstək kampaniyası” layihəsi uğurla həyata keçirilmişdir. Məqsədi gənclərin gələcəkdə əmək bazarının tələblərinə uyğun olaraq iş tapa bilməsinə dəstək göstərmək, onlara bu sahədə müəyyən bilik və bacarıqların ötürülməsini təmin etmək olan layihə çərçivəsində Mingəçevir şəhərində müxtəlif təlim və seminarlar həyata keçirilmişdir. 200-dən çox gəncin iştirak etdiyi tədbirlərdə layihə mövzusu ilə bağlı məlumatlar verilmiş, praktik məşğələlələr keçirilmişdir.
Layihə çərçivəsində verilən mesajların daha çox gəncə çatdırılması üçün bukletlər hazırlanmış və layihənin həyata keçirildiyi Mingəçevir şəhərində gənclər arasında paylanmışdır.
Layihə iştirakçıları layihənin gələcəkdə daha çox gənci əhatə etməklə həyata keçirilməsinin vacibliyini vurğulamışlar.

 

Təranə Paşayeva: “Baş verən hadisə cəmiyyət üçün xəbərdarlıq siqnalı kimi dəyərləndirilməlidir”

0

Cəmiyyət olaraq son günlərdə yeniyetmə və gənclər arasında baş verən münaqişələr, o cümlədən bu xoşagəlməz hadisələrin nəticələri hər birimizi narahat etməyə bilməz. Xüsusilə bir neçə gün öncə idman yarışlarından birində 20 yaşlı gənc və 16 yaşlı yeniyetmə arasında baş verən hadisədən hər birimiz xəbərdarıq. Kiçik bir mövzuda söz davası ilə başlayan münaqişə daha da böyüyərək sonda 16 yaşlı yeniyetmənin bıçaqlanması və qətli ilə nəticələndi. Bu hadisə ictimaiyyət arasında böyük ajiotaj yaratdı və hər birimizin üzüntüsünə səbəb oldu. Bununla yanaşı ötən gün Gəncə şəhərində iki ali təhsil müəssisəsinin tələbələri arasında oyun zamanı baş verən kütləvi dava da sosial şəbəkələr və media orqanlarında sürətli şəkildə yayılmağa başladı. Doğrudur, bu hadisədə ölüm və ya ciddi xəsarət olmasa da, baş verən bucür hadisələr əslində xəbərdarlıq siqnalı oldu.

Bir psixoloq kimi qeyd etməliyəm ki, yeniyetmə və gənclik dövrü digər yaş dövrləri ilə müqayisədə daha mürəkkəb və diqqət edilməli məqamdır. Digər tərəfdən bu dövrlərdə insan psixologiyasında ciddi dəyişikliklər müşahidə olunur, hətta psixi xəstəliklər belə ortaya çıxır. Keçid dövründə həmin şəxslərdə davranışlar gözlənilmədən dəyişə bilir, hər zaman sakit olan insanlarda aqressiv, depressiv hallar ortaya çıxır, başqa sözlə həmin şəxslərdə tamamilə dəyişkənliklər müşahidə edilir. Davranışların gözlənilməz istiqamətdə dəyişməsi, aqressivliyin həddən artıq artması, dərs müvəffəqiyyətinin çox düşməsi, zərərli vərdişlərə meyilliyin yaranması yeniyetmələrin ailələri, mühiti xəbərdarlıq siqnalı daşımaqdadır.

Simptomlar ağırlaşdıqda insanın düşüncələrindən biri də özünə zərər vermək, intihara meyilliyin yaranmasıdır. Təbii ki bu proses heç bir zaman anidən özünü göstərmir. Qarşısı zamanında alınmadıqda və lazımi müdaxilələr edilmədikdə, həmin şəxslər həm özünə, həm də ətrafdakılara zərər verə bilirlər.

Təəssüf ki, məktəbi bitirən, universitetdə və ya kollecdə təhsil alan tələbələr bir çox ailələr sərbəstlik, azadlıq verir və öz ayaqları üzərində dura biləcəklərinə arxayın olurlar. Əlbəttə ki, gənclərə sərbəstlik vermək təqdirəlayiqdir, lakin hər zaman sıx ailə və valideyn nəzarətində olan  bir gəncin birbaşa həyata atılması onun sonunun yaxşı olacağına qarant vermir. Nəzərə alsaq ki, bugün ölkəmizdə daha çox  ali təhsil müəssisələri Bakı şəhərində yerləşir və təhsil alan tələbə gənclərin böyük bir hissəsi region gəncləridir, onlar üçün adaptasiya daha da çətin olur. Bu da bəzi hallarda sonda heç kimə arzu etmədiyimiz hallarla nəticələ bilir.

Yenidən qayıtsaq bir neçə gün öncəki qətl hadisəsinə, öldürən gəncin atasının münasibətini diqqətlə analiz etsək, əslində hadisəyə qədər həmin gəncin mühitini təsəvvür etmək o qədər çətin. Əməkdar məşqçi fikirlərində övladını idmançı kimi formalaşdırsa da, onu cəmiyyətə tam hazırlamamağının, nəticədə ölən yeniyetmənin və öz ailəsinin çırağının sönməsinin acısını, peşmançılığını çəkdiyini görə bilərik.

Hadisə zamanı ən çox verilən sullardan biri də yeniyetməni öldürən gəncdə bıçaq olması məsələdi oldu. Çox təəssüf ki, bugün yeniyetmə və gənclərin heçdə az olmayan qismində “soyuq silah” kimi bildiyimiz vasitələr vardır və onlar bu alətləri üzərlərində gəzdirirlər.

Aparılan araşdırmalar zamanı onların əksəriyyəti bunu özlərini müdafiə etmək və ya öz güclərini göstərmək, qarşı tərəfi qorxutmaq məqsədilə gəzdirdiklərini bildirərək özlərinə haqq qazandırırlar. Amma nə deyilməsi və ya necə olmasından asılı olmayaraq, “soyuq silah”ın üzərində olması hər hansı baş verən münaqişənin sonunda xoşagəlməz hadisənin baş verməyəcəyini sübut etmir. Nəzərə almalıyıq ki, bu tip xoşagəlməz hadisələr hər birimizin başına gələ bilər və cəmiyyət olaraq narahatlığımızı ifadə etməliyik.

Təbii ki, bu cür mənfi hadisələrin qısa zamanda birbaşa qarşısını almaq qeyri-mümkündür. Lakin planlı və uzunmüddətli fəaliyyətlərlə müsbət nəticələrə nail olmaq olar. Bu fəaliyyətdə isə hər birimiz yaxındaş iştirak etməliyik. Bugün aidiyatı qurumlar müəyyən tədbirlər həyata keçirirlər, digər tərəfdən ictimai birliklər, bu sahədə fəaliyyət göstərən təşkilatlar və cəmiyyət olaraq hər birimiz bu məsələ fəal olmalı, öz dəstəyimizi göstərməliyik.

Təranə Paşayeva

“Loqos” Psixoloji və Nitq İnkişaf Mərkəzinin rəhbəri

“Psixoloji Xidmət və Tədqiqatlar Mərkəzi” İctimai Birliyinin sədri

Psixologiya üzrə fəlsəfə doktoru

Azərbaycan retinoloqlarının 7-ci konfransı keçiriləcək

0

3 dekabr 2022-ci iltarixində Azərbaycan Retinoloqlarının 7-ci Konfransı Lənkəran şəhərində keçiriləcək.

Siyasi.az “Yeni Gundem”-ə istinadən xəbər verir ki, konfransın məqsədi oftalmologiya sahəsində baş verən yenilikləri, nəaliyyətləri araşdırmaq, təkliflər vermək, oftalmologiya sahəsində baş verən ən son yeniliklərdə region həkimlərinin iştirakını təmin etmək və onların da bu yeniliklərdən istifadə etməsinə dəstək olmaqdır. Konfransda region və mərkəzin həkim heyəti iştirak edəcək və öz məruzələri ilə çıxış edəcəklər.

Qeyd edək ki, konfrans təşkilat komitəsinin sədri t.ü.f.d. Müşfiq Kərimovdur. Heyət üzvləri t.ü.f.d. Lalə Axundova, t.ü.f.d. Aişə Şahmalıyeva, t.ü.f.d. Xalid Əliyev, dr. Ceyhun Nəzərli, t.ü.f.d. Yazgül Abdiyevadır.

Konfransı akademik Zərifə Əliyeva adına Milli Oftalmologiya Mərkəzinin direktoru, professor Elmar Qasımov giriş sözü ilə saat 09:00-da açıq elan edəcək. Konfransın təşkilat komitəsinin sədri t.ü.f.d. Müşfiq Kərimov, t.e.d. Nizami Bağırov, t.ü.f.d. Lalə Axundova, t.ü.f.d. Xalid Əliyev, t.ü.f.d. Aişə Şahmalıyeva, Dr. Şahin Novruzlu, Dr. Emin Əlihüseynli, t.ü.f.d. Natavan Əliyeva, Dr. Nurana Nuriyevanın moderatorluğu ilə həyata keçiriləcək.

Konfransda “Fundus autofluorescensiyanın mərkəzi seroz xoriopatiyanın diaqnostikasında əhəmiyyəti”, “Vitreoretinal cərrahiyyədə vizualizasiya sistemləri”, “Yaşa bağlı makula degenerasiyanın quru formasının progressivləşməsinin OKT əlamətləri”, “Brolicizumab preparatının göstərişləri”, “Yaşa bağlı makula degenerasiyanın quru formasının müasir müalicəsi”, “Cərrahi vizualizasiya sistemləri” kimi məsələlər müzakirə ediləcək.

NƏ VAXT, HARADA: 3 dekabr, saat: 09:00,Lənkəran şəhəri, Lankaran Springs Wellness Resort.

ƏLAQƏ:Mob: (+994) 559133165, (012) 5682890. Akademik Zərifə Əliyeva adına Milli Oftalmologiya Mərkəzinin Elmi-məlumat, tədris və təşkilati-metodik bölməsi. email: oftalmoloqlarcemiyyeti@gmail.com.

Siyasi.az

“Vugar Gashimov Memorial-2022” superturnirinin daha iki iştirakçısı müəyyənləşib

0

Dekabrın 17-dən 24-dək Bakıda keçiriləcək görkəmli şahmatçı, Avropa çempionu, beynəlxalq qrosmeyster Vüqar Həşimovun xatirəsinə həsr olunan “Vugar Gashimov Memorial-2022” superturnirinin daha iki iştirakçısı müəyyənləşib.

Siyasi.az xəbər verir ki, superturnirdə hindistanlı Qukeş Dommaracu və yerli şahmatçı Aydın Süleymanlı mübarizə aparacaqlar.

2012-ci məktəblilər arasında Asiya, 2018-ci ildə isə 12 yaşadək şahmatçılar arasında dünya çempionu olan  Q.Dommaracu 12 yaşında qrosmeyster tituluna yiyələnib. Hindistan təmsilçisi tarixdə ikinci ən gənc qrosmeyster adına sahib olan şahmatçıdır. O, 2022-ci ildə Hindistanın Çennai şəhərində keçirilən 44-cü Ümumdünya Şahmat Olimpiadasında birinci lövhədə qızıl medal qazanıb.

Yeniyetmələr arasında dünya və ikiqat Avropa çempionu, “Aeroflot Open 2020” turnirinin qalibi olan A.Süleymanlı isə 2021-ci ildə “Vüqar Həşimov” klubunun heyətində klublararası Avropa kuboku yarışında bürünc medala sahib olub. Qrosmeyster 2019-cu ildə milli komandanın heyətində Türkiyənın Çorum şəhərində keçirilmiş 16 yaşadək şahmatçılar arasında Ümumdünya Şahmat Olimpiadasının qalibi olub

Daha əvvəl turnirdə Şəhriyar Məmmədyarov və Rumıniya təmsilçisi Riçard Rapportun iştirakı açıqlanmışdı.

On şahmatçının iştirakı ilə keçiriləcək turnir rapid və blits üzrə təşkil olunacaq.

Yarış Vüqar Həşimov Şahmat Fondunun təşkilatçılığı, Gənclər və İdman Nazirliyinin və Azərbaycan Şahmat Federasiyasının dəstəyi, SOCAR-ın sponsorluğu ilə “Fairmont Baku” hotelində baş tutacaq.

Vüqar Həşimov memorialı ilk dəfə 2014-cü ildə Şəmkirdə keçirilib.

Siyasi.az

Elşən Gəncəvi “Pearls of Azerbaijan 2022” mükafatına layiq görülüb – FOTOLAR

0

“Avand Production” tərəfindən təşkil olunan “Pearls of Azerbaijan 2022” mükafatı sahiblərinə təqdim edilib.

Siyasi.az xəbər verir ki, mükafatlandırma gecəsində il ərzində fərqlənən, yadda qalan, peşəkar şəxs və şirkətlər mükafatlandırılıb. İctimai və iqtisadi sahələrdə uğurlarına görə Elşən Gəncəvi də mükafatçılar sırasında olub.

Elşən Gəncəvi – Nəcəfov Elşən Hökumət oğlu iqtisadçı, ictimai xadim və iş adamı olaraq fəaliyyət göstərir.

Elşən Gəncəvi “Ganjavi Holding”in prezidenti, “PUBLIC AZERBAIJAN” Konsepsiyasının rəhbəri, “ŞƏFQƏT” Kimsəsiz və Əlil Uşaqlara Yardım İctimai Birliyi – İctimai və Sosial Şuranın rəhbəri, “NAJAFSOY GROUP” şirkətinin rəhbəri, “Pi Education”, “Tender Time” və “King Construction” şirkətlərinin müşahidə şurasının sədri, “Oxu-magiya” kitabının müəllifi, “Ganjavi Media” informasiya şəbəkəsinin rəhbəri, “Siyasi.az” xəbər portalının baş redaktoru, “İslahat.az” xəbər portalının, “Cari.az” və “İctimai.az” informasiya portalının yazarıdır.

“PUBLIC” və “GƏNCƏVİ” jurnallarının təsisçisi və baş redaktorudur. İctimai, sosial və iqtisadi layihələrin müəllifidir. Müxtəlif media qurumlarında iqtisadi, ictimai və sosial mövzularda müəllif yazıları ilə çıxış edir.

Azərbaycan Dövlət İqtisad Universitetinin “Beynəlxalq İqtisadi Münasibətlər” fakültəsində bakalavr, Rumıniya – Timişoara Qərb Universitetinin “Siyasi Elmlər” fakültəsində magistr təhsilini alıb.

Elşən Gəncəvi – Nəcəfov Elşən Hökumət oğlu 9 fevral 2020-ci il tarixində keçirilən 6-cı çağırış Milli Məclisə seçkilərdə 120 saylı Cəbrayıl-Qubadlı seçki dairəsində namizəd olub.

Elşən Gəncəvi – Nəcəfov Elşən Hökumət oğlu 1 noyabr 2015-ci il tarixində keçirilən 5-ci çağırış Milli Məclisə seçkilərdə 120 saylı Cəbrayıl-Qubadlı seçki dairəsində namizəd olub.

Elşən Gəncəvi müxtəlif dövrlərdə bir çox yerli, beynəlxalq sertifikat və fəxri diplomlarla təltif olunub. İctimai xadim və iş adamı olaraq müxtəlif mükafatlara layiq görülüb.

Siyasi.az

Dövlət Komitəsində “Liderlik və Nüfuz” mövzusunda təlim keçirilib – FOTOLAR

0

Könüllülük proqramı çərçivəsində Dövlət Komitəsinin əməkdaşı, psixoloq Rövşən Nəcəfov tərəfindən “Liderlik və Nüfuz” mövzusunda təlim keçirilib.

Siyasi.az xəbər verir ki, təlim zamanı gənclərin şəxsi inkişafında liderlik və nüfuz anlayışı, liderlik və nüfuzun hər bir şəxsiyyət üçün vacibliyi vurğulanıb. Təlim zamanı mövzu ətrafında müzakirələr aparılıb.

Qeyd edək ki, gənclərin potensialından daha səmərəli istifadə etmək, cəmiyyətin bütün sahələrində gənclərin fəal iştirakına şərait yaratmaq, onlara peşə vərdişlərini aşılamaq və praktiki biliklərini artırmaq, onların potensialını üzə çıxarmaq və ölkədə könüllülük hərəkatını inkişaf etdirmək məqsədilə Dövlət Komitəsində könüllülük proqramı çərçivəsində görüşlər davam edəcək.

Siyasi.az

 

Deputat Məlahət İbrahimqızı qazilərlə görüşdü

0

Azərbaycanın ərazi bütövlüyü uğrunda canından keçmiş şəhidlərimizin ailələrinə, qazilərə diqqət və qayğı dövlətin prioritetidir. Hər zaman şəhid ailələrinə, qazilərimizə xüsusi həssaslıqla yanaşan Prezident İlham Əliyev onların hərtərəfli təminatı üçün bir sıra fərman və sərəncamlar imzalayıb.Prezident İlham Əliyevin tapşırığına uyğun olaraq aidiyyəti dövlət qurumları,yerli icra orqanları, aidiyyəti üzrə Millət vəkilləri qazi və şəhid ailələri ilə mütəmadi olaraq görüşlər keçirilir, problemlərinin həlli istiqamətində mühüm işlər görülür.

Siyasi.az “Yeni Gundem”-ə istinadən xəbər verir ki, qazilərə hərzaman diqqət və qayğı göstərən Milli Məclisin deputatı Məlahət İbrahimqızı,bu gün Bakı şəhəri Nəsimi rayonundan olan Vətən müharibəsi qaziləri ilə Nezih Baku restoranında görüşüb.

Milli Məclisin deputatı Qazilərin problemləri ilə maraqlanıb.Vətən müharibəsi qazilərinin əksər problemləri yerindəcə həll edilib.

Təbriz Yenigundem.az

Siyasi.az

AQSİA-nın təşkilatçılığı ilə “Üfüqdə Yeni Fürsətlər:Qadın Sahibkarlara Yaşıl İşıq”adlı V Forum keçirilib

0

Noyabrın 23-də Azərbaycanda Qadın Sahibkarlığının İnkişafı Assosiasiyasının təşkilatçılığı ilə Qlobal Sahibkarlıq Həftəsinə həsr edilmiş “Üfüqdə Yeni Fürsətlər:Qadın Sahibkarlara Yaşıl İşıq”adlı V Forum keçirilib.

Siyasi.az “Yeni Gundem”ə istinadən xəbər verir ki,AQSİA İdarə Heyətinin sədri Səkinə Babayeva vurğulayıb ki, Prezident İlham Əliyevin həyata keçirdiyi uğurlu sosial-iqtisadi siyasət respublikamızın dinamik inkişafına şərait yaradıb. Ölkədə qadınların əmək bazarında kişilərlə bərabər hüquqlu iştirakına imkan yaradılması onların idarəetmə, biznes və hakimiyyət strukturlarında daha geniş təmsil olunması ilə nəticələnir. Bu gün Azərbaycanda hər 100 təhsil alanın orta hesabla 47 faizini, işçi qüvvəsinin 49 faizini, məşğul əhalinin 48 faizini, elmi işçilərin isə 53 faizini qadınlar təşkil edir. Qadın sahibkarlığın inkişafı üzrə komissiyanın fəallığının real nəticəsi olaraq bu günədək 400-dək qadın iş adamı Azərbaycan da Qadın Sahibkarlığının inkişafı Assosiasiyasının ətrafında toplana bilib. 5 il ərzində 70dən çox beynəlxalq səfərlər, 1500-dən çox tədbirlərə təşkilatçılıq etmişik.
Biz hər il keçirilən “Üfüqdə Yeni Fürsətlər : Qadın Sahibkarlara Yaşıl İşıq”adlı forumda qadın sahibkarlığı üçün prioritet təşkil edən mövzuları işıqlandırırıq. Bu il isə “Dövlət qurumları, özəl sektor, Qeyri-hökumət təşkilatlarında qadınların rolunun genişləndirilməsi”, “Azərbaycanda Qadın Assosiasiyalarının, kollektiv birliklərinin uğurlu nümunələri”, “Dayanıqlı inkişaf yolunda qadınların iqtisadi gücləndirilməsi”, “Qadınların Milli Biznes Gündəliyi, İşçi qüvvəsində qadınlar: inkişaf imkanları”, “İqtisadiyyatda rəqəmsallaşdırma və yeni həyat keyfiyyətinə keçiddə Dövlət qurumları ilə Özəl sektorun birgə əməkdaşlığı”, “İdeyadan Biznesə, Biznesdən Karyeraya” adı altında panel müzakirələri keçirdik.”

Açılış nitqində Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov Agentlik tərəfindən qadın sahibkarlara göstərilən dəstək və xidmətlər barədə məlumat verərək bildirib ki, iqtisadi inkişafda qadınların aktivliyi artan dinamika ilə davam edir.
Forum çərçivəsində AQSİA-nın üzvü olan xanımların əl işlərindən ibarət sərgi təşkil olunmuşdur.

Siyasi.az

XƏBƏR LENTİ

Azərbaycan Retinoloqlarının VII konfransı keçirilib

3 dekabr 2022-ci il tarixində Lənkəran şəhərində Azərbaycan Oftalmoloqlar Cəmiyyətinin və Akademik Zərifə Əliyeva adına Milli Oftalmologiya Mərkəzinin birgə təşəbbüsü ilə Azərbaycan Retinoloqlarının VII...

“Poliqon” Strateji İntellekt Oyunu üzrə Zəfər Kubokunun seçim turlarına yekun vuruldu

"Poliqon” Strateji İntellekt Oyunu üzrə Zəfər Kubokunun seçim turlarına yekun vuruldu. Azərbaycan Respublikasının Gənclər və İdman Nazirliyi‘nin dəstəyi ilə Region Gənclərinin İnkişafına Töhfə İctimai Birliyi tərəfindən Zərdab...

Tələbələrin məşğulluğuna dəstək kampaniyası başa çatıb

Azərbaycan Respublikasının Gənclər və İdman Nazirliyinin dəstəyi ilə Azərbaycan Tələbələri İctimai Birliyi tərəfindən həyata keçirilən “Tələbələrin məşğulluğuna dəstək kampaniyası” layihəsi uğurla həyata keçirilmişdir. Məqsədi...

Təranə Paşayeva: “Baş verən hadisə cəmiyyət üçün xəbərdarlıq siqnalı kimi dəyərləndirilməlidir”

Cəmiyyət olaraq son günlərdə yeniyetmə və gənclər arasında baş verən münaqişələr, o cümlədən bu xoşagəlməz hadisələrin nəticələri hər birimizi narahat etməyə bilməz. Xüsusilə bir...

Azərbaycan retinoloqlarının 7-ci konfransı keçiriləcək

3 dekabr 2022-ci iltarixində Azərbaycan Retinoloqlarının 7-ci Konfransı Lənkəran şəhərində keçiriləcək. Siyasi.az "Yeni Gundem”-ə istinadən xəbər verir ki, konfransın məqsədi oftalmologiya sahəsində baş verən yenilikləri, nəaliyyətləri...

“Vugar Gashimov Memorial-2022” superturnirinin daha iki iştirakçısı müəyyənləşib

Dekabrın 17-dən 24-dək Bakıda keçiriləcək görkəmli şahmatçı, Avropa çempionu, beynəlxalq qrosmeyster Vüqar Həşimovun xatirəsinə həsr olunan "Vugar Gashimov Memorial-2022” superturnirinin daha iki iştirakçısı müəyyənləşib. Siyasi.az...

Elşən Gəncəvi “Pearls of Azerbaijan 2022” mükafatına layiq görülüb – FOTOLAR

"Avand Production” tərəfindən təşkil olunan "Pearls of Azerbaijan 2022" mükafatı sahiblərinə təqdim edilib. Siyasi.az xəbər verir ki, mükafatlandırma gecəsində il ərzində fərqlənən, yadda qalan, peşəkar...

Dövlət Komitəsində “Liderlik və Nüfuz” mövzusunda təlim keçirilib – FOTOLAR

Könüllülük proqramı çərçivəsində Dövlət Komitəsinin əməkdaşı, psixoloq Rövşən Nəcəfov tərəfindən "Liderlik və Nüfuz” mövzusunda təlim keçirilib. Siyasi.az xəbər verir ki, təlim zamanı gənclərin şəxsi inkişafında liderlik...

Deputat Məlahət İbrahimqızı qazilərlə görüşdü

Azərbaycanın ərazi bütövlüyü uğrunda canından keçmiş şəhidlərimizin ailələrinə, qazilərə diqqət və qayğı dövlətin prioritetidir. Hər zaman şəhid ailələrinə, qazilərimizə xüsusi həssaslıqla yanaşan Prezident İlham...

AQSİA-nın təşkilatçılığı ilə “Üfüqdə Yeni Fürsətlər:Qadın Sahibkarlara Yaşıl İşıq”adlı V Forum keçirilib

Noyabrın 23-də Azərbaycanda Qadın Sahibkarlığının İnkişafı Assosiasiyasının təşkilatçılığı ilə Qlobal Sahibkarlıq Həftəsinə həsr edilmiş "Üfüqdə Yeni Fürsətlər:Qadın Sahibkarlara Yaşıl İşıq”adlı V Forum keçirilib. Siyasi.az "Yeni...