Cümə, Avqust 12, 2022
Ev Blog

Pəri Tağızadə Türkiyədə keçirilən Yılın Starları ödül törənində mükafata layiq görülüb

0

İş xanımı Pəri Tağızadə Türkiyədə keçirilən Yılın Starları ödül törənində mükafata layiq görülüb.

Siyasi.az xəbər verir ki, qardaş ölkədə hər il təşkil edilən ödül gecəsində Türkiyənin məşhur simaları, media nümayəndələri və iş adamları iştrak edib .

Mükafatçılar sırasında yer alan iş xanımı Pəri Tağızadə dəvət üçün təşkilatçılara təşəkkür edərək iki qardaş ölkə arasında bütün sahələrdə əməkdaşlıq uğurlu olduğunu bildirib.

Qeyd edek ki, Pəri Tagızadə Şəhrizad Uşağ bağcasının rəhbəri, Safa Modern Coursesin tesisçisi ve rəhbəridir.

Siyasi.az

Dünya şöhrətli Azərbaycanlı idmançı Rüstəm İmanzadə -Fotolar

0

Dünya şöhrətli Azərbaycanlı idmançı Rüstəm İmanzadənin qardaş ölkə Türkiyədə müalicəsi davam edir.

Siyasi.az xəbər verir ki, beynəlxalq yarışda aldığı xəsarətdən sonra uzun müddətdir ki, idmandan ayrı düşən peşəkar atletimiz yenidən idmana qayıtmaq üçün əlindən gələni etdiyini deyib.

“Uzun bir yola çıxmışam, müalicə hər gün və saatlarla davam edir. Psixoloji cəhətdən mən artıq hazıram. Müalicədə öz təsrini göstərməyə başlayıb. Bu çətin yolda mənə dəstək olan insanlara və xüsusən Jalə xanıma və Fuad bəyə öz təşəkkürümü bildirirəm”.

“Qısa zamanda yenidən idmana dönüb bayrağımızı bütün dünyada dalğalandırmağa davam edəcəm”- deyə Rüstəm İmanzadə bildirib.

Siyasi.az

Milli Məclisin deputatı Anar Məmmədov qazilərlə görüş keçirib

0

Milli Məclisin YAP-çı deputatı Anar Məmmədov Goranboy rayonu Kəhrizlə kəndində Vətən müharibəsi qaziləri ilə görüşüb.

Siyasi.az “Yeni Gündəm”-ə istinadən xəbər verir ki, görüşdə rayon ağsaqqalları və ziyalıları, kənd sakinləri, “Azərbaycan Qarabağ Müharibəsi Əlilləri, Veteranları və Şəhid Ailələri” İctimai Birliyinin Goranboy rayon şöbəsinin sədri Orxan Əliyev iştirak edib.

Qeyd edək ki, görüşdə çıxış edən deputat Anar Məmmədov İkinci Qarabağ müharibəsində qəhrəman hərbçilərimizin şücaəti, Ali Baş Komandanın qətiyyəti və siyasi iradəsi hesabına, şəhidlərimizin qanı-canı bahasına ölkəmizin mənfur düşmən üzərində qələbə qazanmasından söhbət açıb. Bütün qazilərin, şəhid ailələrinin dövlət qayğısı ilə əhatə olunduğunu bildirib.

Milli Məclisin deputatı görüşdə, həmçinin qazilərin gündəlik rastlaşdıqları problemləri dinləyərək, qaldırılan məsələlərin həll edilməsi istiqamətində müvafiq addımlar atılacağını vurğulayıb.

Görüşün sonunda Qarabağ Müharibəsi Əlilləri, Veteranları və Şəhid Ailələri İctimai Birliyi tərəfindən “Vətənpərvərlik işində xidmətlərinə görə” medalları qazilərə təqdim olunub, qazilərimiz də öz növbəsində onlara göstərilən diqqət və qayğıya görə Prezident, Ali Baş Komandan cənab İlham Əliyevə və Birinci vitse-prezident Mehriban xanım Əliyevaya minnətdarlıqlarını bildiriblər.

Siyasi.az

Milli Qəhrəman Maşallah Abdullayev evində ziyarət olunub

0

6 saylı Goranboy-Naftalan seçki dairəsindən Milli Məclisin deputatı Anar Məmmədov Milli Onkologiya Mərkəzində cərrahiyə əməliyyatı olunan Azərbaycanın Milli Qəhrəmanı Maşallah Abdullayevi evində ziyarət edib.

Siyasi.az “Yeni Gündəm”-ə istinadən xəbər verir ki, Anar Məmmədov Milli Qəhrəmanın səhhəti, əməliyyatdan sonrakı müalicəsinin gedişatı ilə maraqlanıb, mənəvi dəstəyini bildirərək ona şəfa diləyib, ailənin qayğıları ilə maraqlanıb.

Onu qeyd edək ki, Maşallah Abdullayev Birinci Qarabağ müharibəsi ərəfəsində könüllülərdən ibarət dəstə yaradaraq döyüşlərdə fəal iştirak edib, Ağcakənddə daxil olmaqla neçə-neçə kəndin erməni işğalçılarından azad edilməsində böyük xidmətləri olub.

Milli Qəhrəman Maşallah Abdullayev də ona göstərilən yüksək diqqət və qayğıya görə ölkə Prezidenti cənab İlham Əliyevə təşəkkürünü bildirib.

Siyasi.az

Anar Məmmədov Goranboy rayonunda şəhid ailələri ilə görüşüb

0

Goranboy rayonu Goranlı kəndində Milli Məclisin deputatı Anar Məmmədov növbəti dəfə şəhid ailələri ilə görüş keçirib. Görüşdə rayon ağsaqqalları və ziyalıları, şəhid ailələri iştirak edib.

Siyasi.az “Yeni Gündəm”-ə istinadən xəbər verir ki, Goranlı kənd şəhidi İftixar Əliyevin evində keçirilən görüşdə çıxış edən Anar Məmmədov Azərbaycanda şəhid ailələrinin, müharibə əlillərinin və veteranlarının, qazilərin sosial müdafiəsinin ölkə başçısının həyata keçirdiyi daxili siyasət kursunun prioritet istiqamətlərdən biri olduğunu diqqətə çatdırmışdır.

Onun sözlərinə görə, Azərbaycanın ərazi bütövlüyünün müdafiəsi uğrunda döyüşlərdə canını qurban verən vətəndaşlarımızın ailə üzvlərinin yaşayış şəraitinin yaxşılaşdırılması daim dövlətin nəzarəti altındadır.
Şəhidlərin ailə üzvləri də çıxış edərək onlara daim qayğı ilə yanaşan ölkə başçısı cənab İlham Əliyevə və Birinci vitse-prezident xanım Mehriban Əliyevaya öz minnətdarlıqlarını bildirmiş, bir sıra məsələlərin həlli ilə bağlı arzu və təkliflərini səsləndirmişlər.
Onu da qeyd edək ki, şəhid İftixar Əliyevin atası İlqar Əliyevin Birinci Qarabağ müharibəsinin qazisi, qardaşı isə İkinci Qarabağ müharibəsinin qazisidir.

Siyasi.az

Ermənistan tərəfi əslində vəziyyəti gərginləşdirməklə özünü daha ağır duruma salır – Anar Məmmədov

0

Rusiya Federasiyası sülhməramlı kontingentinin müvəqqəti yerləşdiyi Azərbaycan ərazisindəki qeyri-qanuni erməni silahlı dəstələrinin avqustun 3-də səhər saatlarında Laçın rayonu istiqamətində yerləşən Azərbaycan Ordusunun bölmələrinin mövqelərinin intensiv atəşə tutması qəsdən vəziyyəti gərginləşdirmək cəhdidir. Ermənistan çalışır ki, bu cür təxribatlar törətməklə Azərbaycanı da cavab tədbirləri görməyə təhrik etsin və gərginliyin miqyasını artırmaqla Azərbaycanı günahlandırsın. Digər tərəfdən Ermənistanın bu təxribatları Rusiya sülhməramlılarına qarşı yönəlib. Ermənilər bu yolla Rusiya sülhməramlılarının öz vəzifələrinin öhdəsindən gələ bilmədiyini, onların missiyasının uğursuz olduğunu göstərməyə çalışırlar. Bu qanlı insident bir daha Ermənistanın üçtərəfli razılaşmanı kobud şəkildə pozduğunu, eyni zamanda iki dövlət arasında münasibətlərin normallaşması istiqamətində səylərə xələl gətirdiyini nümayiş etdirir.

Siyasi.az xəbər verir ki, bu fikirləri “Yeni Gündəm”ə açıqlamasında Milli Məclisin deputatı Anar Məmmədov deyib.

Əsgərimiz Anar Kazımovun şəhid olmasından sonra qalib Azərbaycan Ordusuqanunsuz erməni dəstələrinə qarşı uğurlu “Qisas” əməliyyatı həyata keçirdi, düşmənə sarsıdıcı zərbə vuraraq onun çirkin niyyətinin qarşısını sərt şəkildə aldı. Azərbaycan Ordusu bölmələrinin keçirdiyi “Qisas” cavab əməliyyatı nəticəsində Qırxqız yüksəkliyi, həmçinin Kiçik Qafqaz dağ silsiləsinin Qarabağ silsiləsi boyu Sarıbaba və bir sıra digər əhəmiyyətli hakim yüksəkliklər bölmələrimizin nəzarətinə götürüldü.

Ordumuzun həyata keçirdiyi bu əməliyyat antiterror əməliyyatıdır, regionda sülhün və təhlükəsizliyin təmin olunmasına xidmət edir. Lakin görünən odur ki, Ermənistan rəhbərliyi 44 günlük müharibəyə qədər dövrdə olduğu kimi bu dəfə də təxribatlara əl ataraq, kimlərinsə onları qoruyacağına ümid edir. Ermənistan rəsmiləri bununla 30 il bundan öncə olduğu kimi, hələ də xəyallardan çıxış etdiklərini və bölgədə mövcud olan yeni reallıqdan nəticə çıxarmadıqlarını nümayiş etdirirlər. Ermənistan tərəfi əslində vəziyyəti gərginləşdirməkə özünü daha ağır duruma salır. Bundan əvvəlki təxribatların da nəticələri hər kəsə məlumdur. Ermənistan müharibədən sonra həyata keçirdiyi təxribatların nəticələrini, 2020-ci ilin dekabrında Azərbaycanın həyata keçirdiyi anti-terror əməliyyatını unutmamalıdır.

Azərbaycan dəfələrlə bəyan edib ki, müharibədən sonra regionda yeni vəziyyət yaranıb və Ermənistan da yeni yaranmış vəziyyətdə əməkdaşlıqdan faydalana bilər. Lakin Ermənistan tərəfi yeni yaranmış əməkdaşlıq mühitindən faydalanaraqölkədə mövcud olanböhrandan çıxmaq əvəzinə növbəti təxribatlara əl atır. Bu bir daha Ermənistanın sülh və əməkdaşlıq tərəfdarı olmadığını göstərir.Lakinəminliklə qeyd etməliyik ki, indiyə qədər olduğu kimi, bundan sonra da Azərbaycan tarixi məqsədlərinə çatmağa davam edəcək, ErmənistanrəsmiBakının tələblərini yerinə yetirəcək.Bu məqamda Prezident İlham Əliyevin bu sözlərini xatırlatmaq lap yerinə düşər: “Müharibə onların yadından çıxmasın. Unutmasınlar ki, dəmir yumruq yerindədir. Biz xəbərdarlıq edirik, əgər belə təxribat xarakterli addımlar atılacaqsa, Ermənistan daha da peşman olacaq.”

Siyasi.az

Putin Qarabağa görə Təhlükəsizlik Şurasının təcili iclasını çağırdı

0

Rusiya Prezidenti Vladimir Putin bu gün Rusiya Federasiyası Təhlükəsizlik Şurasının daimi üzvlərinin təcili iclasını çağırıb.

Siyasi.az xəbər verir ki, bu barədə Rusiya dövlət başçısının mətbuat katibi Dmitri Peskov məlumat verib.

“Ermənistan-Azərbaycan münaqişəsinin kəskinləşməsi ilə bağlı vəziyyət müzakirə olunub. Üçtərəfli sazişin bütün müddəalarının təcili həyata keçirilməsinin zəruriliyi vurğulanıb”, – o qeyd edib.

Siyasi.az

Müdafiə Nazirliyi hazırda bölgədə vəziyyəti açıqladı

0

Azərbaycan Ordusunun keçirdiyi “Qisas” əməliyyatından sonra Rusiya sülhməramlı kontingentinin müvəqqəti yerləşdiyi Azərbaycan ərazisində, o cümlədən dövlət sərhədində nisbi sakitlikdir.

Siyasi.az xəbər verir ki, bununla bağlı Azərbaycan Müdafiə Nazirliyi məlumat yayıb.

Bildirilib ki, əməliyyat şəraiti bölmələrimizin tam nəzarəti altındadır.

Siyasi.az

 

Əli Əsədovdan Şərqi Zəngəzurla bağlı SƏRƏNCAM

0

Şərqi Zəngəzur İqtisadi Rayonunda 1 saylı Bərpa, Tikinti və İdarəetmə Xidməti nəqliyyat vasitələri ilə təmin olunacaq.

Siyasi.az xəbər verir ki, bu, Baş nazir Əli Əsədovun imzaladığı “Şərqi Zəngəzur İqtisadi Rayonunda 1 saylı Bərpa, Tikinti və İdarəetmə Xidməti” publik hüquqi şəxsin yaradılması və fəaliyyətinin təmin edilməsi haqqında” Azərbaycan Respublikası Prezidentinin 2022-ci il 21 iyul tarixli 1756 nömrəli Fərmanının icrasının təmin edilməsi barədə” sərəncamında əksini tapıb.

Sərəncama əsasən, Maliyyə Nazirliyi Xidmətlə və icra prosesində müəyyən ediləcək digər aidiyyəti dövlət orqanları (dövlətin hüquqi şəxsləri) ilə razılaşdırmaqla, Xidmətin dövlət qeydiyyatına alındığı gündən on beş gün müddətində Xidmətin nəqliyyat vasitələri ilə təmin olunması və maddi-texniki təminatı ilə bağlı təkliflərini Nazirlər Kabinetinə təqdim etməlidir.

Siyasi.az

Gömrük Komitəsinin yeni sədr müavini kimdir? – DOSYE

0

Xəbər verdiyimiz kimi, Bəhruz Quliyev Dövlət Gömrük Komitəsi sədrinin müavini təyin olunub.

Siyasi.az xəbər verir ki, Bəhruz Quliyev 30 sentyabr 1981-ci ildə Tovuz rayonunda anadan olub. 2003-cü ildə Milli Aviasiya Akademiyasının Avianəqliyyat İstehsalatı fakultəsinin əyani şöbəsinə daxil olub. 2008-ci ildə həmin Akademiyanı avianəqliyyat istehsalatının təşkili ixtisası üzrə bitirib.

2011-ci ildə Baki Dövlət Universitetinin Hüquq fakultəsinə daxil olub, 2015-ci ildə Hüquqşünas ixtisasını bitirib. Milli Aviasiya Akademiyasının Doktorantıdır.

2009-cu ildən Hava Nəqliyyatında Baş Gömrük İdarəsinin 2-ci sərnişin şöbəsinin inspektoru, 2011-ci ildən həmin şöbənin baş inspektoru, 2013-cü ildən Hava Nəqliyyatında Baş Gömrük İdarəsinin rəis müavini, 2015-ci ildən rəisin birinci müavini, 2018-ci ildə Hava Nəqliyyatında Baş Gömrük İdarəsinin rəisi vəzifələrində işləyib.

7 yanvar 2022-ci ildən Gömrük Sərhəd Buraxılış Məntəqələrinin İşinin Təşkili Baş İdarəsinin Rəisi vəzifəsinə təyin olunub.

2018-ci ildə “Dövlət Qulluğunda fərqlənməyə görə” medalı, 2021-ci ildə “Hərbi Əməkdaşlıq Sahəsində Xidmətlərə görə” medalları ilə təltif olunub.

Ailəlidir, 4 övladı var.

Siyasi.az

XƏBƏR LENTİ

Pəri Tağızadə Türkiyədə keçirilən Yılın Starları ödül törənində mükafata layiq görülüb

İş xanımı Pəri Tağızadə Türkiyədə keçirilən Yılın Starları ödül törənində mükafata layiq görülüb. Siyasi.az xəbər verir ki, qardaş ölkədə hər il təşkil edilən ödül gecəsində...

Dünya şöhrətli Azərbaycanlı idmançı Rüstəm İmanzadə -Fotolar

Dünya şöhrətli Azərbaycanlı idmançı Rüstəm İmanzadənin qardaş ölkə Türkiyədə müalicəsi davam edir. Siyasi.az xəbər verir ki, beynəlxalq yarışda aldığı xəsarətdən sonra uzun müddətdir ki, idmandan ayrı düşən...

Milli Məclisin deputatı Anar Məmmədov qazilərlə görüş keçirib

Milli Məclisin YAP-çı deputatı Anar Məmmədov Goranboy rayonu Kəhrizlə kəndində Vətən müharibəsi qaziləri ilə görüşüb. Siyasi.az "Yeni Gündəm”-ə istinadən xəbər verir ki, görüşdə rayon ağsaqqalları və ziyalıları,...

Milli Qəhrəman Maşallah Abdullayev evində ziyarət olunub

6 saylı Goranboy-Naftalan seçki dairəsindən Milli Məclisin deputatı Anar Məmmədov Milli Onkologiya Mərkəzində cərrahiyə əməliyyatı olunan Azərbaycanın Milli Qəhrəmanı Maşallah Abdullayevi evində ziyarət edib. Siyasi.az...

Anar Məmmədov Goranboy rayonunda şəhid ailələri ilə görüşüb

Goranboy rayonu Goranlı kəndində Milli Məclisin deputatı Anar Məmmədov növbəti dəfə şəhid ailələri ilə görüş keçirib. Görüşdə rayon ağsaqqalları və ziyalıları, şəhid ailələri iştirak...

Ermənistan tərəfi əslində vəziyyəti gərginləşdirməklə özünü daha ağır duruma salır – Anar Məmmədov

Rusiya Federasiyası sülhməramlı kontingentinin müvəqqəti yerləşdiyi Azərbaycan ərazisindəki qeyri-qanuni erməni silahlı dəstələrinin avqustun 3-də səhər saatlarında Laçın rayonu istiqamətində yerləşən Azərbaycan Ordusunun bölmələrinin mövqelərinin...

Putin Qarabağa görə Təhlükəsizlik Şurasının təcili iclasını çağırdı

Rusiya Prezidenti Vladimir Putin bu gün Rusiya Federasiyası Təhlükəsizlik Şurasının daimi üzvlərinin təcili iclasını çağırıb. Siyasi.az xəbər verir ki, bu barədə Rusiya dövlət başçısının mətbuat katibi...

Müdafiə Nazirliyi hazırda bölgədə vəziyyəti açıqladı

Azərbaycan Ordusunun keçirdiyi "Qisas” əməliyyatından sonra Rusiya sülhməramlı kontingentinin müvəqqəti yerləşdiyi Azərbaycan ərazisində, o cümlədən dövlət sərhədində nisbi sakitlikdir. Siyasi.az xəbər verir ki, bununla bağlı...

Əli Əsədovdan Şərqi Zəngəzurla bağlı SƏRƏNCAM

Şərqi Zəngəzur İqtisadi Rayonunda 1 saylı Bərpa, Tikinti və İdarəetmə Xidməti nəqliyyat vasitələri ilə təmin olunacaq. Siyasi.az xəbər verir ki, bu, Baş nazir Əli Əsədovun...

Gömrük Komitəsinin yeni sədr müavini kimdir? – DOSYE

Xəbər verdiyimiz kimi, Bəhruz Quliyev Dövlət Gömrük Komitəsi sədrinin müavini təyin olunub. Siyasi.az xəbər verir ki, Bəhruz Quliyev 30 sentyabr 1981-ci ildə Tovuz rayonunda anadan olub....