Çərşənbə axşamı, Dekabr 6, 2022
Ev Blog Səhifə 2

İlham Əliyev Avropa İttifaqının Cənubi Qafqaz üzrə xüsusi nümayəndəsini qəbul edib

0

Azərbaycan Respublikasının Prezidenti İlham Əliyev noyabrın 25-də Avropa İttifaqının Cənubi Qafqaz üzrə xüsusi nümayəndəsi Toivo Klaarı qəbul edib.

Siyasi.az xəbər verir ki, görüşdə Ermənistanla Azərbaycan arasında münasibətlərin normallaşdırılması, iki ölkə arasında sülh müqaviləsi ilə bağlı danışıqlar prosesi, sərhədlərin delimitasiyası üzrə Brüsseldə keçirilmiş görüşün nəticələri barədə fikir mübadiləsi aparılıb.

Siyasi.az

Prezident: “Ümid edirik ki, tezliklə TAP-ın ötürmə qabiliyyətinin artırılması ilə bağlı qərar qəbul olunacaq”

0

“Azərbaycan Trans-Adriatik boru kəməri vasitəsilə qaz nəqlinin artırılması üçün mümkün olanı edir. Biz enerjidaşıyıcılarının təchizatının artırılması üçün əlimizdən gələni edirik”.

Siyasi.az xəbər verir ki, bunu Prezident İlham Əliyev noyabrın 25-də ADA Universitetində keçirilən “Orta Dəhliz boyunca: geosiyasət, təhlükəsizlik və iqtisadiyyat” mövzusunda beynəlxalq konfransdakı çıxışında deyib.

“TAP boru kəmərinin inşası zamanı meydana gələn problemlər bizə məlumdur, lakin qeyd etmək istəyirəm ki, onlar süni xarakter daşıyırdı. Ancaq Azərbaycanın bu problemlərə ciddi yanaşması sayəsində ölkəmiz İtaliyaya enerjidaşıyıcılarının təchizatını yaxşılaşdıra bilib. Bizim İtaliyada Azərbaycan qazına artan tələbatdan xəbərimiz var. Lakin bunun üçün TAP boru kəmərinin ötürmə qabiliyyətinin artırılmasına ehtiyac var. Biz bunu birtərəfli qaydada edə bilmərik, çünki TAP layihəsində bizim payımız 20 faiz təşkil edir. Buna baxmayaraq, ümid edirəm ki, bununla bağlı tezliklə qərar qəbul ediləcək, çünki TAP onsuz da tam gücü ilə işləyir”, – deyə dövlətimizin başçısı bildirib.

Siyasi.az

Prezident: “Ermənilər övladlarını Türkiyəyə və Azərbaycana nifrət ruhunda tərbiyə edirlər”

0

“O ki qaldı regionda dinc birgəyaşayışa, erməni cəmiyyəti onilliklər ərzində erməni diasporu və erməni millətçiləri tərəfindən aparılmış təbliğat ilə zəhərlənib. Bu, ermənilərin Qarabağın azərbaycanlı kəndlərində və şəhərlərində, həmçinin azərbaycanlılara qarşı törətdiklərinin səbəblərindən biridir. Ermənilər övladlarını Türkiyəyə və Azərbaycana nifrət ruhunda tərbiyə edirlər”.

Siyasi.az xəbər verir ki, bu sözləri Prezident İlham Əliyev noyabrın 25-də ADA Universitetində keçirilən “Orta Dəhliz boyunca: geosiyasət, təhlükəsizlik və iqtisadiyyat” mövzusunda beynəlxalq konfransda çıxışında deyib.

Dövlətimizin başçısı bildirib: “Türkofobiya və azərbaycanofobiya Ermənistanın ideologiyası olmuşdur. Onlar özlərinin tarixi və tarixi şəxsləri haqqında o qədər miflər fikirləşiblər ki, artıq özlərinin uydurmalarına inanmağa başlayıblar. Ermənistanın bütün tarixi, Ermənistanın bütün tarixi irsi saxtadır”.

Siyasi.az

Azərbaycan XİN Bosniya və Hersoqovinanı təbrik edib

0

Azərbaycan Xarici İşlər Nazirliyi Bosniya və Hersoqovinanı Milli Gün münasibətilə təbrik edib.

Siyasi.az xəbər verir ki, bu barədə XİN-in “Twitter” səhifəsində paylaşım edilib.

“Milli Gün münasibətilə Bosniya və Hersoqovina hökuməti və xalqına ən xoş diləklərimizi və ürəkdən təbriklərimizi çatdırırıq. Milli Günün mübarək, Bosniya və Hersoqovina!”, – paylaşımda bildirilib.

Siyasi.az

Nazir: “Məktəblərin təhlükəsizliyini kafi olaraq qiymətləndirə bilərəm”

0

“Məktəblərin təhlükəsizliyini kafi olaraq qiymətləndirə bilərəm”.

Siyasi.az xəbər verir ki, bunu elm və təhsil naziri Emin Əmrullayev brifinqdə deyib.

Onun sözlərinə görə, müxtəlif məktəblərdə təhlükəsizlik üçün addımlar atılıb:

“Kiçik məktəblərdə isə təhlükəsizlik yüksək səviyyədə deyil. Bu sahədə müəyyən addımlar atılır”.

Siyasi.az

Vüqar Həşimovun xatirəsinə həsr olunan ” superturnir keçiriləcək

0

Dekabrın 17-dən 24-dək Bakıda dahi şahmatçı, Avropa çempionu, beynəlxalq qrosmeyster Vüqar Həşimovun xatirəsinə həsr olunan “Vugar Gashimov Memorial-2022” superturniri keçiriləcək. Sayca səkkizinci dəfə təşkil olunacaq turnir dairəvi sistem üzrə baş tutacaq, əsasən elit şahmatçılar mübarizə aparacaqlar.

Siyasi.az xəbər verir ki, bu sözləri “Vugar Gashimov Memorial-2022” superturnirinə həsr olunmuş mətbuat konfransında yarışın direktoru Anar Allahverdiyev deyib.

Əməkdar məşqçi əlavə edib ki, turnirdə Şəhriyar Məmmədyarov və Rumıniya təmsilçisi Riçard Rapportun iştirakı dəqiqləşib. Digər şahmatçıların adları isə yaxın günlərdə açıqlanacaq. Şahmat idman növündə turnir cədvəli sıx olduğu üçün hazırda danışıqlar gedir.

Turnirdə yerli gənclərin də iştirakının nəzərdə tutulduğunu deyən A.Allahverdiyev Vüqar Həşimov Şahmat Fondunun əsas məqsədlərindən birinin də gənc şahmatçılar üçün yeni imkanlar açmaq olduğunu bildirib. Vurğulayıb ki, “Vüqar Həşimov” klubu cari il dördüncü dəfə klublararası Avropa çempionatında gücünü sınayıb. Komanda ötən il Avropa çempionatında mükafatçılar sırasında yer almağı bacardı. Klubun heyəti əsasən gənc şahmatçılardan ibarətdir.

Turnirin baş hakimi Lütfiyar Rüstəmov 10 şahmatçının dairəvi sistem üzrə rapid və blits yarışlarında mübarizə aparacağını deyib: “Yarışın ilk 3 günündə rapid üzrə 9 tur oynanılacaq. Hər şahmatçı 1 gündə 3 turda gücünü sınayacaq. Bir günlük fasilədən sonra şahmatçılar bir-biri ilə 2 dəfə qarşılaşmaq şərti ilə blits üzrə ümumilikdə 18 turda güclərini sınayacaqlar”.

L.Rüstəmov bildirib ki, xalların hesablanması qaydası barədə yaxın günlərdə məlumat veriləcək. Ya hər qələbə üçün 3, heç-heçəyə görə 1 xal veriləcək, yaxud da rapiddə qaliblər 2, sülhə razılaşanlar 1 xal, blitsdə isə qələbə qazananlar 1, heç-heçə edənlər 0,5 xal qazanacaqlar.

Yarış Vüqar Həşimov Şahmat Fondunun təşkilatçılığı, Gənclər və İdman Nazirliyinin və Azərbaycan Şahmat Federasiyasının dəstəyi, SOCAR-ın sponsorluğu ilə “Fairmont Baku” hotelində baş tutacaq.

Vüqar Həşimov memorialı ilk dəfə 2014-cü ildə Şəmkirdə keçirilib. Hazırkı dünya çempionu Maqnus Karlsen dörd (2014-cü, 2015-ci, 2018-ci, 2019-cu), Azərbaycan şahmatçısı Şəhriyar Məmmədyarov iki (2016-cı, 2017-ci) və ABŞ təmsilçisi Fabiano Karuana (2021-ci) isə bir dəfə turnirin qalibi olublar.

Həmçinin yarışda dünya şahmat tarixində ilk dəfə innovativ yeniliklərdən istifadə olunacaq.

Ötən il turnir üçün yeni loqo hazırlanıb. Qara fonda ağ tonda təqdim olunan Vüqar Həşimovun silueti əlavə detallar olmadan, yalnız kənar cizgilərinin birrəngli təsviri əsasında yaradılıb.

Siyasi.az

Azada İsbarova Couture “Trend of the year 2022” mükafatına layiq görülüb

0

Azada İsbarova Couture “Trend of the year 2022 ” mükafatına layiq görülüb.

Bu barədə məlumatı Siyasi.az saytına layihəni direktoru İlmirzə Ağabəyov məlumat verib.Ötən gün ölkəmizdə baş tutan gecədə bir çox məşhur simalar, incəsənət, media, müxtəlif sahələrdə uğur qazanmış şəxslər və şirkətlər iştirak ediblər. Mükafatçılar sırasında tanınmış “İlin Peşəkar Geyim Atelieri- Azada İsbarova Couture” da yer alıb.

Qeyd edək ki, 2021-ci ildə Azərbaycanlı modelyer Azada İsbarova tərəfindən qurulmuş bir “couture “markasıdır. Xanımların zövqünü nəzərə alaraq dünya moda yeniliklərini Ölkəmizəgətirdi. Hər bir sifarişə böyük zövqlə və fərdi yanaşma ilə hazırlanır. Bütün parçaları Avropadan, Asiyadan və digər ölkələrdən gətirməklə yanaşı geyimlər ən son model avadanlıqlarla tikilir.

Siyasi.az

Ramin Hacılı həbsdə saxlanma şəraiti ilə bağlı ədliyyə nazirinə müraciət etdi

0

Azərbaycan Avropa Hərəkatının sədri, hazırda həbsdə olan Ramin Hacılı ədliyyə naziri Fikrət Məmmədova müraciət edib. Bir surəti də Qaynarinfo-ya daxil olan müraciətdə icitmai fəal saxlanma şəraitindən şikayətlənir:

“Artıq 1 il 4 aydır həbsdə saxlanılıram. Mənə qarşı irəli sürülən ittihamlar belədir: “istintaqa məlum olmayan şəxslərlə mütəşəkkil dəstə tərkibində birləşərək cinayət törətmiş”əm … və s.

Ali Məhkəmənin Plenium qərarına əsasən, belə bir ittihama görə məhkəmə cəza təyin edə bilməz. Lakin məhkəmə prosesində sənədlərin tədqiqinin aparılmaması, vəsatətlərimin qəbul olunmaması, qəbul olunmuş vəsatətlərə “baxılmamış saxlanılsın” qərarı çıxarılması, həbsdə olduğum halda yenidən barəmdə həbs qətimkan tədbirinin seçilməsi barədə qanunsuz formada yeni qərarın çıxarılması kimi hallar işimə baxan Baki Ağır Cinayətlər Məhkəməsinin təyin olunmuş hakimi Azad Məcidovun ədalətli qərar çıxaracağına ciddi şübhələr yaratmışdı. Bu da özünü hökmdə göstərdi və 7 il 7 ay 14 gün gün müddətə azadlıqdan məhrum etmə cəzası verildi.

Bütün bunları əvvəldən gördüyüm üçün dövlət ittihamcısının qeyd etdiyim absurd ittihamla mənə 9 (doqquz) il azadlıqdan məhrum etmə cəzası istəməsinə etiraz olaraq quru ölüm aclığına başlamışdım. Saxlanıldığım təcridxananın rəisinə də ərizə ilə məlumat verərək 20 oktyabr 2022-ci ildən sudan və qidadan imtina etmişdim.

Çox təssüflər ki, üzərindən 7 gün keçməsinə baxmayaraq heç kim, hətta saxlanıldığım 1 saylı Baki İstintaq Təcridxanasının əməkdaşları belə məlumatlı olmalarına baxmayaraq heç bir tədbir görmür, həkim nəzarətinə yerləşdirmirdilər”.

Ramin Hacılının sözlərinə görə, Bakı İstintaq Təcridxanasında saxlanıldığı 4 ay ərzində ona qarşı bir çox qanunsuzluqlar edilib.

“Sizin şəxsiyyətinizə olan hörmətimə görə bu barədə geniş yazmaq istəmirəm. Köməyinizə ehtiyacım var. Əminəm ki, bir həmvətəninizin məhv olmasına imkan verməyəcəksiniz.

Sizdən mənə qarşı həm saxlanma yerimdə olan münasibətin yaxşılaşdırılması, həm də Apellyasiyta Məhkəməsində barəmdə ədalətli hökmün çıxarılması istiqamətində kömək etməyinizi xahiş edirəm”, deyə ictimai fəal müraciətdə qeyd edib.

Seyid ( QAYNARİNFO.AZ)

Siyasi.az

Tutuxanım İsmayılova “Trend of the year 2022” mükafatına layiq görülüb

0

Tutuxanım İsmayılova “Trend of the year 2022” mükafatına layiq görülüb.

Bu barədə məlumatı Siyasi.az saytına layihəni direktoru İlmirzə Ağabəyov məlumat verib.

Ötən gün ölkəmizdə baş tutan gecədə bir çox məşhur simalar, incəsənət, media, müxtəlif sahələrdə uğur qazanmış şəxslər və şirkətlər iştirak ediblər. Mükafatçılar sırasında tanınmış “İlin Trend Stilist Vizajisti – Tutuxanım İsmayılova” da yer alıb.

Qeyd edək ki, Salon De Lux Gözəllik Mərkəzinin rəhbəridir.

Siyasi.az

Nazənim Məmmədova “Trend of the year 2022” mükafatına layiq görülüb

0

Nazənim Məmmədova “Trend of the year 2022” mükafatına layiq görülüb.

Bu barədə məlumatı Siyasi.az saytına layihəni direktoru İlmirzə Ağabəyov məlumat verib.

Ötən gün ölkəmizdə baş tutan gecədə bir çox məşhur simalar, incəsənət, media, müxtəlif sahələrdə uğur qazanmış şəxslər və şirkətlər iştirak ediblər. Mükafatçılar sırasında tanınmış “Psixoloq, Yaşam Koçu və NLP uzmanı – Nazənim Məmmədova” da yer alıb.

Siyasi.az

XƏBƏR LENTİ

Azərbaycan Retinoloqlarının VII konfransı keçirilib

3 dekabr 2022-ci il tarixində Lənkəran şəhərində Azərbaycan Oftalmoloqlar Cəmiyyətinin və Akademik Zərifə Əliyeva adına Milli Oftalmologiya Mərkəzinin birgə təşəbbüsü ilə Azərbaycan Retinoloqlarının VII...

“Poliqon” Strateji İntellekt Oyunu üzrə Zəfər Kubokunun seçim turlarına yekun vuruldu

"Poliqon” Strateji İntellekt Oyunu üzrə Zəfər Kubokunun seçim turlarına yekun vuruldu. Azərbaycan Respublikasının Gənclər və İdman Nazirliyi‘nin dəstəyi ilə Region Gənclərinin İnkişafına Töhfə İctimai Birliyi tərəfindən Zərdab...

Tələbələrin məşğulluğuna dəstək kampaniyası başa çatıb

Azərbaycan Respublikasının Gənclər və İdman Nazirliyinin dəstəyi ilə Azərbaycan Tələbələri İctimai Birliyi tərəfindən həyata keçirilən “Tələbələrin məşğulluğuna dəstək kampaniyası” layihəsi uğurla həyata keçirilmişdir. Məqsədi...

Təranə Paşayeva: “Baş verən hadisə cəmiyyət üçün xəbərdarlıq siqnalı kimi dəyərləndirilməlidir”

Cəmiyyət olaraq son günlərdə yeniyetmə və gənclər arasında baş verən münaqişələr, o cümlədən bu xoşagəlməz hadisələrin nəticələri hər birimizi narahat etməyə bilməz. Xüsusilə bir...

Azərbaycan retinoloqlarının 7-ci konfransı keçiriləcək

3 dekabr 2022-ci iltarixində Azərbaycan Retinoloqlarının 7-ci Konfransı Lənkəran şəhərində keçiriləcək. Siyasi.az "Yeni Gundem”-ə istinadən xəbər verir ki, konfransın məqsədi oftalmologiya sahəsində baş verən yenilikləri, nəaliyyətləri...

“Vugar Gashimov Memorial-2022” superturnirinin daha iki iştirakçısı müəyyənləşib

Dekabrın 17-dən 24-dək Bakıda keçiriləcək görkəmli şahmatçı, Avropa çempionu, beynəlxalq qrosmeyster Vüqar Həşimovun xatirəsinə həsr olunan "Vugar Gashimov Memorial-2022” superturnirinin daha iki iştirakçısı müəyyənləşib. Siyasi.az...

Elşən Gəncəvi “Pearls of Azerbaijan 2022” mükafatına layiq görülüb – FOTOLAR

"Avand Production” tərəfindən təşkil olunan "Pearls of Azerbaijan 2022" mükafatı sahiblərinə təqdim edilib. Siyasi.az xəbər verir ki, mükafatlandırma gecəsində il ərzində fərqlənən, yadda qalan, peşəkar...

Dövlət Komitəsində “Liderlik və Nüfuz” mövzusunda təlim keçirilib – FOTOLAR

Könüllülük proqramı çərçivəsində Dövlət Komitəsinin əməkdaşı, psixoloq Rövşən Nəcəfov tərəfindən "Liderlik və Nüfuz” mövzusunda təlim keçirilib. Siyasi.az xəbər verir ki, təlim zamanı gənclərin şəxsi inkişafında liderlik...

Deputat Məlahət İbrahimqızı qazilərlə görüşdü

Azərbaycanın ərazi bütövlüyü uğrunda canından keçmiş şəhidlərimizin ailələrinə, qazilərə diqqət və qayğı dövlətin prioritetidir. Hər zaman şəhid ailələrinə, qazilərimizə xüsusi həssaslıqla yanaşan Prezident İlham...

AQSİA-nın təşkilatçılığı ilə “Üfüqdə Yeni Fürsətlər:Qadın Sahibkarlara Yaşıl İşıq”adlı V Forum keçirilib

Noyabrın 23-də Azərbaycanda Qadın Sahibkarlığının İnkişafı Assosiasiyasının təşkilatçılığı ilə Qlobal Sahibkarlıq Həftəsinə həsr edilmiş "Üfüqdə Yeni Fürsətlər:Qadın Sahibkarlara Yaşıl İşıq”adlı V Forum keçirilib. Siyasi.az "Yeni...